2017 წლის 19-26 მაისს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დაარსებიდან 20 წლის იუბილესთან დაკავშირებით მოეწყო სასწავლო-სამეცნიერო ექსპედიცია საბერძნეთში. ღონისძიების ფარგლებში ექსპედიციის მონაწილეები გაეცნენ ანტიკური და შუა საუკუნეების ეპოქის – თესალონიკის, დიონის, ვერგინას, მეოტეორას, დელფოს, ათენის, ეპიდავროსის, ნავპლიონისა და მიკენის უმნიშვნელოვანეს ისტორიულ ძეგლებს.

ექსპედიციის მთელი მსვლელობა გადაიღო სპეციალურმა ჯგუფმა დოკუმენტური ფილმისათვის – "ბერძნულ-ქართული ურთიერთობების ათასწლეულები".

2017 წლის 9 ივნისს, 17:00 საათზე ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი  ატარებს ინსტიტუტის დღეს. 

პროგრამა:

• ღონისძიების გახსნა და შესავალი სიტყვა – პროფ. ნანა ტონია
• წლის უმნიშვნელოვანესი მოვლენები  "ივნისიდან ივნისამდე" – ფილ. დოქტორი მაია დანელია.
• საგამომცემლო პროგრამა "ლოგოსის" ახალი გამოცემები – პროფ. ირინე დარჩია.
• წარჩინებულ სტუდენტთა დაჯილდოება – პროფ. სოფიო შამანიდი.

მისამართი: 
ი. ჭავჭავაძის გამზ. 13, თსუ VIII კორპუსი,  220-ე აუდიტორია