2017 წლის 23 იანვარს, თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტს ეწვია საქართველოში ვიზიტად მყოფი საბერძნეთის რესპუბლიკის საგარეო საქმეთა მინისტრის მოადგილე ბ-ნი ტერენს კვიკი. მან წაიკითხა მოხსენება თემაზე: „ენა და კულტურა მსოფლიო ბერძნების შემაერთებელი რგოლები".
მისამართი: ი. ჭავჭავაძის გამზ. 13, თსუ VIII კორპუსი, 220-ე აუდიტორია.
2017 წლის 11 იანვარს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი ატარებს ცნობილი ქართველი მეცნიერისა და საზოგადო მოღვაწის ალექსანდრე ალექსიძის დაბადებიდან 80 წლისთავისადმი მიძღვნილ ღონისძიებებს.
11 იანვარი, 13:00 საათი
საინსტიტუტო სამეცნიერო სიმპოზიუმი:
რისმაგ გორდეზიანი – მედეას თემის ინტერპრეტაციის ძირითადი მიმართულებები თანამედროვეობაში;
ნანა ტონია – „ისტორიაში სამი ფუნდამენტური სახე“ (ჰ. მიულერი. ფონი – „ფილოქტეტესი“);
რუსუდან ცანავა – მითიდან რომანამდე (ოთარ ჭილაძის „გზაზე ერთი კაცი მიდიოდა“);
თინა დოლიძე – სულის აღსვლა ღმერთთან კაპადოკიელთა მიხედვით;
მაგდა მჭედლიძე – იოანე პეტრიწის
„განმარტების“ ტექსტის კრიტიკისათვის.
11 იანვარი, 16: 00 საათი
საიუბილეო სხდომა
გამოსვლები:
რისმაგ გორდეზიანი, ნანა გაფრინდაშვილი, ელგუჯა ხინთიბიძე, ბარამ ბარამიძე, გოგი ანთელავა, დათო წერედიანი, თამაზ კვაჭანტირაძე, ვალერი ასათიანი, დარეჯან თვალთვაძე, ნანა ტონია, მანანა ფხაკაძე, გასტონ ბუაჩიძე, რევაზ გაჩეჩილაძე.
გთხოვთ, გვეწვიოთ.
მისამართი: თსუ VIII კორპუსი, ი. ჭავჭავაძის გამზ. № 13, ოთ. 220
2017 წლის 26 დეკემბერს 13:00 საათზე
შოთა რუსთაველის ეროვნული სამეცნიერო ფონდის ახალგაზრდა მეცნიერთა კვლევითი გრანტის ფარგლებში დაფინანსებული პროექტების შუალედურ ანგარიშს წარადგენენ გიორგი უგულავა და მაია შუხოშვილი.
მაია შუხოშვილი, ფილოლოგიის დოქტორი – პროექტის პლატონის „თეეტეტოსის“ ინტერპრეტაცია ციფრული ჰუმანიტარიის მეთოდების გამოყენებით – შუალედური ანგარიში.
გიორგი უგულავა, ფილოლოგიის დოქტორი – პროექტის „სახელმწიფოს მოწყობის ანტიკური კონცეფციები V-XVIII საუკუნეების დასავლურ ლიტერატურულ ტრადიციაში“ – შუალედური ანგარიში.
მისამართი:
ი. ჭავჭავაძის გამზ. 13,
თსუ VIII კორპუსი, 221-ე აუდიტორია
ივ. ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი
2016 წლის 3 ოქტომბერს, ორშაბათს 16:00 საათზე
გიწვევთ ცნობილი გერმანელი ფილოსოფოსის
ლუდვიგ ზიპის მოხსენებაზე – ,,წინააღმდეგობის უფლება გონებრივ სახელმწიფოსა და სამართლებრივ სახელმწიფოს შორის"
მოხსენების ენა: გერმანული (იწარმოებს პირდაპირი თარგმანი ქართულ ენაზე).
მისამართი: ი. ჭავჭავაძის გამზ. 13, თსუ VIII კორპუსი, 220-ე აუდიტორია.
დასწრება თავისუფალია!
2016 წლის 26 სექტემბრიდან თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში, ბერლინის თავისუფალი უნივერსიტეტის პროფესორი,
ევროპის ნეოგრეცისტთა ასოციაციის პრეზიდენტი –
კონსტანტინოს დიმადისი
ახალ ბერძნულ ენაში სალექციო კურსს ჩაატარებს.
სალექციო განრიგი:
26 სექტემბერი, ორშაბათი, 11:00-12:30 საათმდე.
27 სექტემბერი, სამშაბათი, 11:00-12:30 საათმდე.
29 სექტემბერი, ხუთშაბათი, 11:00-12:30 საათმდე.
30 სექტემბრი, პარასკევი, 11:00-12:30 საათმდე.
ახალი ბერძნული ფილოლოგიის მიმართულების სტუდენტთათვის ლექციებზე დასწრება სავალდებულოა!
(ლექციები წარიმართება ბერძნულ ენაზე)
თსუ, VIII კორპუსი, 220-ე აუდიტორია.
მისამართი: ილია ჭავჭავაძის გამზ. #13
2016 წლის 19-20 სექტემბერს თსუ კლასიკური ფილოლოგიის ბიზანტინისტიკისა და ნეოგრეცისტიკის ინსტიტუტში ჩატარდება საერთაშორისო სიმპოზიუმი ინოვაციის იდეა და ფორმები ბერძნულ კულტურაში (ანტიკურობა, შუა საუკუნეები, თანამედროვეობა).
კონკურსი VICTORIA
ძველ ბერძნულსა და ლათინურ ენებში
2016 წლის 22 ივლისს თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში ჩატარდა კონკურსი VICTORIA ძველ ბერძნულსა და ლათინურ ენებში. აღნიშნული კონკურსი იმართება 2008 წლიდან. იგი ხელს უწყობს ახალგაზრდებში კლასიკური ენების პოპულარიზაციას. კონკურსს დაარსების დღიდანვე სათავეში უდგას თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დირექტორი, ბ-ნი რისმაგ გორდეზიანი. იდეის ავტორი და ორგანიზატორია ვიქტორია ჯუღელი. წლევანდელ კონკურსს გაუძღვნენ ჟიურის თავმჯდომარეები და წევრები: იამზე გაგუა, თინათინ გიორგობიანი და სვეტა ბერიკაშვილი.
2016 წლის კონკურსი სამმაგი აღმოჩნდა: ლათინური – ჰუმანიტარებისთვის, ძველი ბერძნული – კლასიკოსებისთვის და ძველი ბერძნული – ჰუმანიტარებისთვის. ასეთი რამ პირველად მოხდა კონკურსის არსებობის 8 წლის განმავლობაში.
წლევანდელი კონკურსი მეტად წარმომადგენლობითიც იყო. 22 ივლისს, კონკურსის მიმდინარეობას დაესწრო საქართველოს გენერალური კონსული თესალონიკში, ბატონი მუხრან გულაღაშვილი, ხოლო დაჯილდოებისას კონკურსანტებისათვის გადასაცემი დიპლომები გამარჯვებულთა სახელებითა და გვარებით ქართულ და ლათინურ ენებზე უმშვენიერესად შეამკო მხატვარმა, ხელოვანმა და კალიგრაფმა, ”ქართველმა ვუნდერკინდმა, რომელმაც ლუვრის ექსპერტები გააოცა”, გიორგი სისაურმა, რითაც ეს დიპლომები ოფიციალური დოკუმენტებიდან, ფაქტობრივად, სამუზეუმო ექსპონატებად აქცია.
კონკურსი წარმომადგენლობითი იყო იმითაც, რომ თბილისის სახელმწიფო უნივერსიტეტის გარდა, ლათინურ ენაში მონაწილეობა მიიღო სხვა უმაღლესი სასწავლებლების სამმა სტუდენტმა, სხვაგვარად რომ ითქვას, სამივე სტუდენტი, რომელთაც მონაწილეობა მიიღეს ლათინური ენის კონკურსში, სხვა უმაღლესი სასწავლებლებიდან გვეწვია: თბილისის სასულიერო აკადემიიდან და აგრარული უნივერსიტეტიდან, რომლის სტუდენტებისთვისაც ჩვენი კონკურსის არსებობის შესახებ მის გამართვამდე სულ ათიოდე დღით ადრე გახდა ცნობილი.
წელს ხუთი გამარჯვებული გამოვლინდა: ლათინურ ენაში – ცოტნე ჩხეიძე (სასულიერო აკადემია, 88 ქულა) და ირაკლი ნადირაშვილი (აგრარული უნივერსიტეტი, 71 ქულა), ძველ ბერძნულში კლასიკოსებისათვის – ბექა კილანავა (თსუ, 90 ქულა), ძველ ბერძნულში ჰუმანიტარებისათვის – ანა ოღაძე (თსუ, 80 ქულა) და მარიამ მოქია (თსუ, 78 ქულა). ვულოცავთ მათ და ვულოცავთ მათ მასწავლებლებს: ქეთევან აბესაძეს, ლევან ტატიშვილსა და ვიქტორია ჯუღელს. კონკურსის გამარჯვებულთაგან პირველი ადგილის მფლობელნი დაჯილდოვდნენ ტაო-კლარჯეთში სამდღიანი მოგზაურობით, მეორე ადგილის მფლობელნი კი 150 და 100 ლარის ვაუჩერებით, რომლებითაც შეუძლიათ წლის განმავლობაში მიიღონ შესაბამისი თანხის წიგნები საგამომცემლო პროგრამა ”ლოგოსის” მაღაზიიდან. ამ პრიზებთან ერთად გამარჯვებულებს გადაეცათ კონკურსის ლოგოთი გაფორმებული ჭიქები და ბლოკნოტები, საგამომცემლო პროგრამა „ლოგოსში“ გამოცემული წიგნები, ამას გარდა, კონკურსანტები თბილისის სახელმწიფო უნივერსიტეტის წიგნის მაღაზიის, “Scripta Manent”, კოორდინატორის თათია მთვარელიძის თაოსნობით დაჯილდოვდნენ მაისურებითა და სამაჯურებით, სანიშნეებითა და სკრიპტორიუმის ბარათებით.
კონკურსის ტექნიკურ მხარეზე იზრუნეს ინსტიტუტის თანამშრომლებმა მარიამ კალაძემ და ეკატერინე კვირკველიამ, ასევე საგამომცემლო პროგრამა „ლოგოსის“ თანამშრომლებმა ალექსანდრე ჯიქურიძემ და დავით მუჯირმა.
ბოლოს კი, ჩვენს კონკურსანტებს ვუსურვებთ შემდგომ წარმატებებსა და დასახული მიზნების მიღწევას, რადგან Ἐξ ὀνύχων λέοντα და Audentes fortuna iuvat!
პარასკევს, 22 ივლისს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში წარმატებით ჩატარდა ყოველწლიური კონკურსი “Victoria” ორივე კლასიკურ ენაში: ლათინურსა და ძველ ბერძნულ ენებში.
კონკურსს დაესწრო საქართველოს გენერალური კონსული თესალონიკში, ბატონი მუხრან გულაღაშვილი.
კონკურსის შედეგები ცნობილი გახდა სამშაბათს 26 ივლისს istanbul escort და გაიმართა გამარჯვებულთა დაჯილდოება.
Academic Symposium on
The Idea and Forms of Innovation in Greek Culture
(Antiquity, the Middle Ages, Modernity)
Within the framework of the Tbilisi Festival of Science and Innovations 2016, an academic symposium The Idea and Forms of Innovation in Greek Culture (Antiquity, the Middle Ages, Modernity) will be held on September 19 and 20 in the TSU Institute of Classical, Byzantine and Modern Greek Studies.
Those interested in the Symposium should submit their contact details, and the title and abstract of their paper (max. 300 words) at greekstudies@tsu.ge before July 30, 2016.
The Organizing Committee of the Symposium will communicate their decision before 6 August 2016.
The Symposium organizers welcome papers from professors and researchers as well as students of all the three academic levels.
Selected papers will be published in the symposium proceedings.
Contact persons:
Ekaterine Kvirkvelia (Tel: +995 598 60 46 67) e-mail: kvirkvelia_e@yahoo.com
Mariam Kaladze (Tel:+995 577 42 69 82 ) e-mail: mariami.kaladze@tsu.ge
