გამოჩენილი ქართველი ფილოლოგ-კლასიკოსისა და პაპიროლოგის გრიგოლ წერეთლის სახელობის აუდიტორიის გახსნა

მოსაწვევი

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი 2018 წლის 18 დეკემბერს, 16 საათზე, გიწვევთ გამოჩენილი ქართველი ფილოლოგ-კლასიკოსისა და პაპიროლოგის გრიგოლ წერეთლის სახელობის აუდიტორიის გახსნაზე. 

 

დღის წესრიგი:

 

ფილოლოგიის მეცნიერებათა დოქტორის, პროფ. ვალერი ასათიანის წიგნის „კლასიკოსი” წარდგენა. 

 

სხდომის გახსნა

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ხელმძღვანელი, პროფ. თინა დოლიძე

 

მისალმება 

ივანე ჯავახიშვილის სახელობის თბილისის სახელმწიფო უნივერსიტეტის რექტორი გიორგი შარვაშიძე

 

გამოსვლები 

თსუ ჰუმანიტარულ მეცნიერებათა ფაკულტეტის დეკანი, პროფ. ნანა გაფრინდაშვილი

საქართველოს მეცნიერებათა ეროვნული აკადემიის აკადემიკოსირისმაგ გორდეზიანი

პროფ. მინდია უგრეხელიძე

ილიას სახელმწიფო უნივერსიტეტის აკად. გ. წერეთლის სახ. აღმოსავლეთმცოდნეობის ინსტიტუტის თანამშრომელი, ფილ. მეცნ. დოქტ. ნელი მახარაძე

კლასიკური ფილოლოგიის სპეციალობის  IV კურსის სტუდენტი ნინო ღლონტი

პროფ. მეა ყუბანეიშვილი

პროფ. სიმონ წერეთელი

 

მისამართი: ილია ჭავჭავაძის გაზმ. 1, თსუ I კორპუსი, მესამე სართ., 301-ე აუდიტორია. 

 

 

გრიგოლ ფილიმონის ძე წერეთლისადმი მიძღვნილი წიგნი – „კლასიკოსი”

გრიგოლ ფილიმონის ძე წერეთელი - კლასიკოსი

 

ფილოლოგიის მეცნიერებათა დოქტორის, პროფ. ვალერი ასათიანის ავტორობით გამოიცა გრიგოლ ფილიმონის ძე წერეთლისადმი მიძღვნილი წიგნი -„კლასიკოსი".

„2018 წელს ივანე ჯავახიშვილის სახელობის თბილისის სახელმწიფო უნივერსიტეტი 100 წლის გახდა. 
საქართველოს უპირველესი უნივერსიტეტის სათავეებს და აღორძინებას განსაკუთრებულად უკავშირდება რამდენიმე გამოჩენილი მეცნიერისა და პიროვნების სახელი. 
წიგნი ეძღვნება მსოფლიოში აღიარებული დიდი ქართველი მეცნიერის, ელინოლოგის, პაპიროლოგის, მთარგმნელისა და პედაგოგის, ქართული უნივერსიტეტისა და მეცნიერების აღორძინებაში ივანე ჯავახიშვილის თანამოაზრის – გრიგოლ ფილიმონის ძე წერეთლის ნათელ ხსოვნას. 
არსებული პუბლიკაციებისა და დღემდე არაერთი გამოუქვეყნებელი საარქივო ჩანაწერის („მასალის") გათვალისწინებით, ვრცლად მოხმობით, ავტორი მიზნად ისახავს მეტ-ნაკლები სისრულით წარმოაჩინოს გრიგოლ წერეთლის პიროვნება და მისი შემოქმედებითი მემკვიდრეობა."

რედაქტორი: ქეთევან აბესაძე
რეცენზენტი: იამზე გაგუა
გარეკანის დიზაინი: ირაკლი ვარვარიძე
დიზაინი და დაკაბადონება: ალექსანდრე ჯიქურიძე

© პროგრამა „ლოგოსი", თბილისი, 2018

 

სტუდენტური კონკურსი „პიგმალიონი”

პიგმალიონის პოსტერი

 

 

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის სტუდენტთა სამეცნიერო წრის ორგანიზებით 2018 წლის 1 ნოემბრიდან იწყება სამეცნიერო-საგანმანათლებლო კონკურსი „პიგმალიონი”. კონკურსის მიზანია ანტიკური კულტურისა და ლიტერატურის პოპულარიზაცია, სტუდენტებისათვის ბერძნულ-რომაული თარგმანების გაცნობა და ახალგაზრდებში წიგნიერების დონის ამაღლება.

კონკურსში მონაწილეობის მიღება შეუძლიათ თბილისის სახელმწიფო უნივერსიტეტის ბაკალავრიატის საფეხურის სტუდენტებს.

კონკურსანტები 8 კვირის განმავლობაში გაეცნობიან პროექტისათვის შერჩეულ თარგმანებს ანტიკური ლიტერატურიდან და შემდეგ შეავსებენ მათთვის მომზადებულ ტესტებს. კონკურსი მოიცავს 4 ტურს და დასრულდება 28 დეკემბერს.

28 დეკემბერს გამოვლინდება საუკეთესო შედეგების მქონე სამი გამარჯვებული, რომლებიც დაჯილდოვდებიან შემდეგი პრიზებით:

I ადგილი – 800 ლარიანი სასაჩუქრე ვაუჩერი;

II ადგილი – 400 ლარიანი სასაჩუქრე ვაუჩერი;

III ადგილი – 200 ლარიანი სასაჩუქრე ვაუჩერი;

კონკურსში მონაწილეობის მისაღებად ეწვიეთ თბილისის სახელმწიფო უნივერსიტეტის ვებ-გვერდს, შეავსეთ ანკეტა და შესაბამის ველში ატვირთეთ ცნობა სტუდენტის სტატუსის შესახებ. 

 

საკონტაქტო პირი:

მარიამ კალაძე

mariami.kaladze@tsu.ge

 

 

პროფ. ედიტ ჰოლის საჯარო ლექცია თბილისის სახელმწიფო უნივერსიტეტში

Edith-Hall

პროფ. ედიტ ჰოლის საჯარო ლექცია – „არისტოტელეს გზა“

მეცნიერებისა და ინოვაციების საერთაშორისო ფესტივალის ფარგლებში 2018 წლის 26 სექტემბერს 16.00 საათზე, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში, კინგს კოლეჯის პროფესორი, ცნობილი ბრიტანელი მკვლევარი და საზოგადო მოღვაწე ედიტ ჰოლი წაიკითხავს საჯარო ლექციას – „არისტოტელეს გზა“.

 

მოხსენების ენა: ინგლისური

მისამართი: ი. ჭავჭავაძის გამზ. 13, თსუ VIII კორპუსი, მეორე სართული, 220-ე აუდიტორია.

 

დასწრება თავისუფალია!

 

 

 

ენციკლოპედია CAUCASUS ANTIQUUS – ანტიკური კავკასია III ტ.

Gallery

This gallery contains 7 photos.

ენციკლოპედია ანტიკური კავკასია მოამზადა ავტორტა კოლექტივმა რუსთაველის ეროვნული სამეცნიერო ფონდის მერ გამოყოფილი გრანტის ფარგლებში. პროექტის მონაწილეები არიან ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის თანამშრომლები. ენციკლოპედია Caucasus Antiquus – ანტიკური კავკასია მიზნად ისახავს ანტიკური ეპოქის … ვრცლად »

აკად. რისმაგ გორდეზიანის ახალი პუბლიკაცია – „პლატონი თანამედროვე სამეცნიერო ჰიპოთეზების კონტექსტში”

41488558_2405159162827455_6504545815934009344_n

აკად. რისმაგ გორდეზიანის ახალი პუბლიკაცია – „პლატონი თანამედროვე სამეცნიერო ჰიპოთეზების კონტექსტში".

„პლატონის ნააზრევმა არაერთ ეპოქაში განიცადა აღორძინება თუ რეცეფცია. XX-XXI საუკუნეები პლატონის რენესანსის კიდევ ერთ ეპოქად უნდა მივიჩნიოთ, რადგან მას მხარდამჭერები გამოუჩნდა ისეთი მეცნირებების წარმომადგენლებშიც კი, რომელთა დასკვნები ფილოსოფოსის საუკუნეების განმავლობაში საკამათოდ ქცეული აზრების განხილვის შემთხვევაშიც კი ზუსტი სამეცნიერო კვლევისა და ექსპერიმენტების შედეგებს ეყრდნობა. ამ თვალსაზრისის საილუსტრაციოდ პლატონის ნააზრევის რამდენიმე ასპექტს განვიხილავ: 1. იდეების თეორია; 2. დემიურგოსი; 3. ელემენტარული ნაწილაკები; 4. სულის უკვდავება; 5. სამყაროს უნიკალურობა; 6. მათემატიკის კულტი…" 

© პროგრამა „ლოგოსი", თბილისი, 2018

 

 

 

გარდაიცვალა გამოჩენილი ქართველი ფილოსოფოსი, ფილოსოფიის ისტორიაში ფუნდამენტურ ნაშრომთა ავტორი, ივანე ჯავახიშვილის თბილისის სახელმწიფო უნივერსიტეტის პროფესორი გურამ თევზაძე

ივანე ჯავახიშვილის თბილისის სახემწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი ღრმა მწუხარებით იუწყება, რომ გარდაიცვალა გამოჩენილი ქართველი ფილოსოფოსი, ფილოსოფიის ისტორიაში ფუნდამენტურ ნაშრომთა ავტორი, ივანე ჯავახიშვილის თბილისის სახელმწიფო უნივერსიტეტის პროფესორი გურამ თევზაძე.

პანაშვიდი: კვირას, ორშაბათს 17.00 საათზე;
დაკრძალვა: სამშაბათს 15.00 საათზე;
მისამართი: თამარაშვილის ქუჩა 9, 1-ლი სართული, ბინა 5.

ქართველ ფილოსოფოსთა ათეულობით თაობის აღზრდასთან ერთად ბატონი გურამი იყო შუა საუკუნეების ფილოსოფიისა და ღვთისმეტყველების მკვლევართა ქართული სკოლის დამფუძნებელი. მისი ნაყოფიერი პედაგოგიური მოღვაწეობის შედეგად მნიშვნელოვანი განშტოება ამ სკოლისა წამოდგენილია კლასიკური და ბიზანტიური ფილოლოგიის, კურსდამთავრებულთა სახით.
მისი მადლიერი მოსწავლეები არასდროს დაივიწყებენ მათი დიდი მასწავლებლის, ბრწყინვალე ქართველი ფილოსოფიის ისტორიკოსის, ბატონ გურამ თევზაძის თავდადებულ ამაგს, რომლის წყალობითაც ჩვენს ინსტიტუტში აღიზარდა ბერძნულ და ლათინურ ფილოსოფიურ და საღვთისმეტყველო პირველწყაროთა კვლევაზე დამყარებული კლასიკოსებისა და ბიზანტინისტების მთელი პლეადა.

საერთაშორისო კონფერენცია „პლატონის ფილოსოფია ინტერდისციპლინურ კონტექსტში“

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი აგრძელებს განაცხადების მიღებას  საერთაშორისო კონფერენციისთვის  „პლატონის ფილოსოფია ინტერდისციპლინურ კონტექსტში“. კონფერენცია ეძღვნება  ივანე ჯავახიშვილის სახელობის თბილისის სახელმწიფო უნივერსიტეტის  100 წლის იუბილეს. 

საერთაშორისო კონფერენცია გაიმართება 2018 წლის 28-30 მაისს ივანე ჯავახიშვილის სახელობის თბილისის სახელმწიფო უნივერსიტეტში (მისამართი: ჭავჭავაძის გამზირი # 1).

კონფერენციის მოხსენებების თემატიკა ფართოა, მოიცავს პერიოდს ანტიკურობიდან დღემდე და შეეხება შემდეგ სფეროებს: ფილოსოფია, კლასიკური ფილოლოგია, ისტორია, ენათმეცნიერება, ლიტერატურათმცოდნეობა, თარგმანმცოდნეობა, კულტურის კვლევები, რელიგიათმცოდნეობა,  სოციალური და პოლიტიკური მეცნიერებები,  განათლება,  ხელოვნება და თეატრი, სამართალი,   მედიცინა და სხვ. პარალელურ სესიებთან ერთად იმუშავებს ხუთი პლენარული სესია. გაიმართება ორი გამოფენა: “პლატონი და მისი ფილოსოფია თანამედროვე ხელოვნებაში“ და „პლატონი სცენაზე.

კონფერენციის სამუშაო ენებია: ქართული, ინგლისური, გერმანული, ფრანგული, ბერძნული (სინქრონული თარგმანის გარეშე).

კონფერენციაში მონაწილეობს 60-მდე მომხსენებელი მსოფლიოს 22 ქვეყნიდან (აზერბაიჯანი, აშშ, ბელგია, ბრაზილია, ბულგარეთი, გერმანია, ესპანეთი, თურქეთი, იაპონია, ინგლისი, ინდოეთი, ირლანდია, იტალია, კანადა, კვიპროსი, რუსეთი, საბერძნეთი, საქართველო, სომხეთი, უნგრეთი,  შვეიცარია, ჰონგ კონგი).

კონფერენციის საპატიო და ძირითადი მომხსენებლებია (ანბანურად):

  1. ჯონ დილონი (John Dillon), დუბლინის ტრინიტი კოლეჯი, ირლანდია
  2. გაბრიელე კორნელი (Gabriele Cornelli), ბრაზილიის უნივერსიტეტი, ბრაზილია
  3. ნობურუ ნოტომი (Noburu  Notomi), ტოკიოს უნივერსიტეტი, იაპონია
  4. დომენიკ ო’მეარა (Domenic O’Meara), ფრიბურგის უნივერსიტეტი, შვეიცარია
  5. თომას რობინსონი (Thomas Robinson), ტორონტოს უნივერსიტეტი, კანადა
  6. ანდრეი როსიუსი (Andrei  Rossius), ეროვნული კვლევითი უნივერსიტეტი – ეკონომიკის უმაღლესი სკოლა, რუსეთი; იტალიის ფილოსოფიურ კვლევათა ინსტიტუტი, იტალია
  7. ქრისტოფერ როუვი (Christopher Rowe), დარემის უნივერსიტეტი, დიდი ბრიტანეთი
  8. კარლოს სტილი (Karlos Steel), ლუვენის კათოლიკური უნივერსიტეტი, ბელგია
  9. მაურო ტული  (Mauro Tulli), პიზის უნივერსიტეტი, იტალია
  10. ედვარდ ჰალპერი (Edward Halper), ჯორჯიის უნივერსიტეტი, აშშ

 

კონფერენციის მონაწილეები და თეზისები:

 

კონფერენციაში მონაწილეობის მისაღებად ვიწვევთ როგორც გამოცდილ, ისე ახალგაზრდა მკვლევარებს, დოქტორანტებსა და სტუდენტებს, აგრეთვე ხელოვნების სფეროს წარმომადგენლებს პლატონის ფილოსოფიაზე შექმნილი ნამუშევრების გამოსაფენად.

       

თითოეულ მომხსენებელს დაეთმობა ნახევარი საათი (მოხსენება – 20 წთ., დისკუსია – 10 წთ.). ხელოვნების ნიმუშები და წარმოდგენების ფოტო/ვიდეო მასალა გამოიფინება უნივერსიტეტის საგამოფენო სივრცეებში.  

 

მოხსენების თეზისები წარმოდგენილი უნდა იყოს კონფერენციის ერთ-ერთ სამუშაო ენაზე (ქართულ თეზისებს თან უნდა ახლდეს მათი უცხოენოვანი თარგმანი).

 

თეზისები, ისევე როგორც ხელოვნების ნიმუშების ფოტოები, გთხოვთ, გაგზავნოთ შემდეგ ელექტრონულ მისამართზე: plato@tsu.ge

საკონფერენციო თეზისების/ხელოვნების ნიმუშების აუდიო/ვიზუალური მასალის წარმოდგენის ბოლო ვადა  –  23 აპრილი 2018.

თეზისებთან/ხელოვნების ნიმუშების ფოტოებთან ერთად წარმოდგენილ უნდა იქნას შემდეგი ინფორმაცია მომხსენებლის შესახებ:

  • სახელი და გვარი;
  • დაწესებულება და თანამდებობა;
  • საკონტაქტო ინფორმაცია (ტელეფონი და ელფოსტა);
  • კონფერენციაში მონაწილეობის ტიპი (მოხსენება, გამოფენაში მონაწილეობა);
  • მოხსენების სრული სათაური;
  • მოკლე ბიოგრაფიული ცნობები (არაუმეტეს 300 სიტყვისა);
  • იმ შემთხვევაში, თუ მოხსენებას წარმოადგენს სტუდენტი, მითითებულ უნდა იქნას სამეცნიერო ხელმძღვანელის/რეკომენდატორის სახელი, გვარი და საკონტაქტო მონაცემები.

კონფერენციაზე წარდგენილი  მოხსენებების ნაწილი მათი რეცენზირების შემდეგ გამოქვეყნდება კონფერენციის მასალების სახით 2018 წლის ივნისის ბოლომდე.

სარეგისტრაციო გადასახადი: 100 ლარი.

სარეგისტრაციო გადასახადი სტუდენტებისათვის: 50 ლარი.

შეკითხვებით შეგიძლიათ მოგვმართოთ მეილზე: plato@tsu.ge

.

 

 

 

 

 

საერთაშორისო კონფერენცია “მედეა მსოფლიოს მხატვრულ კულტურაში”

17 სექტემბერს, 12.00 საათზე ივანე ჯავახიშვილის სახელობის თბილისის სახელმწიფო უნივერსიტეტში სამდღიანი საერთაშორისო კონფერენცია "მედეა მსოფლიოს მხატვრულ კულტურაში" გაიხსნება, რომელიც  ქართულ-ბერძნული დიპლომატიური ურთიერთობების 25 წლისთავს და თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის 20 წლისთავს ეძღვნება. ღონისძიებას თსუ რექტორი გიორგი შარვაშიძე, საბერძნეთის სრულუფლებიანი და საგანგებო ელჩი საქართველოში დიმიტრიოს კარაბალისი, აკადემიური წრეების წარმომადგენლები დაესწრებიან.

კონფერენციაში მონაწილეობს 60-ზე მეტი მეცნიერი ხუთი კონტინენტის 13 ქვეყნიდან (საქართველო, საბერძნეთი, კვიპროსი, გერმანია, საფრანგეთი, იტალია, ინგლისი, პოლონეთი, ლიტვა, აშშ, ავსტრალია, ბრაზილია, რუსეთი).
 
კონფერენციის პარალელურად გაიმართება გამოფენები  „ქართულ-ბერძნული დიპლომატიური ურთიერთობები“, „მედეა ქართულ მხატვრობაში“, ფოტოგამოფენა „მედეა ქართულ სცენაზე“, ასევე 20 წლის განმავლობაში კლასიკური ფილოლოგიის, ბიზანტინისტიკისა და ნეოგრეცისტიკის  მიმართულებით გამოცემული წიგნების ექსპოზიცია. 
 
გამოფენა „მედეა ქართულ მხატვრობაში“ წარმოგვიდგენს ცნობილი ქართველი მხატვრების, მოქანდაკეებისა და კერამიკოსების მედეას თემაზე შექმნილ ნაწარმოებებს. გამოიფინება მერაბ ბერძენიშვილის, ელგუჯა ბერძენიშვილის, გია ბუღაძის, ანტონ ბალანჩივაძის, მარიკა იზორიას, ნინო ზაალიშვილის, ანა მღებრიშვილის, კახაბერ ტატიშვილის, გურანდა ქლიბაძის, გიორგი შხვაცაბაიას, გია ჯაფარიძის ნამუშევრები. მოქანდაკე გია ჯაფარიძემ ამ კონფერენციისთვის შექმნა მედეას ქანდაკება, ხოლო გიორგი ალექსიძის თბილისის თანამედროვე ბალეტმა ასევე საგანგებოდ აღადგინა გიორგი ალექსიძის საბალეტო მინიატურა (კომპოზიტორი: ი. კეჭაყმაძე).
 

პროგრამა




 

მისამართი:ი.ჭავჭავაძის გამზ.1, თსუ I კორპუსი, 107-ე აუდიტორია

კონკურსი VICTORIA ლათინურ ენასა და ძველ ბერძნულ ენაში

13592429_10209948495095708_8989154454020188314_n

 

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი
აცხადებს კონკურსს V I C T O R I A

ლათინურ ენასა და ძველ ბერძნულ ენაში

კონკურსი ჩატარდება 2017 წლის 21 ივლისს 12 საათზე თსუ VIII კორპუსში. 

ორ-ორი საუკეთესო კონკურსანტი დაჯილდოვდება მოგზაურობით ტაო-კლარჯეთში, მომდევნო ორი პრიზიორი კი – ინსტიტუტის საგამომცემლო პროგრამის, “ლოგოსის” ვაუჩერებით “ლოგოსის” გამოცემების შესაძენად. გამარჯვებულებს გადაეცემათ დიპლომებიც.
კონკურსში მონაწილეობის მიღება შეუძლიათ საქართველოს უმაღლესი სასწავლებლების სტუდენტებსა და ზოგადსაგანმანათლებლო სკოლების მოსწავლეებს. 

კონკურსში მონაწილეობის მსურველებმა უნდა წარადგინონ პირადობის მოწმობის, სტუდბილეთის ან მოსწავლის ბილეთის ასლი და შეავსონ განაცხადი კონკურსში მონაწილეობის თაობაზე.

საბუთების მიღება იწარმოებს 7დან 19 ივლისის ჩათვლით (შაბათ-კვირის გარდა), 11.00-17.00 სთ., ჭავჭავაძის პრ. 13, თსუ VIII კორპუსი, III სართული, ს. ყაუხჩიშვილის სახ. ბიბლიოთეკა.

მსურველებს შეუძლიათ, გაეცნონ ტესტების ნიმუშებს შემდეგ საიტზე:www.greekstudies.tsu.ge ან greekstudies.tsu.ge/?page_id=287

კითხვებისათვის მიმართეთ კონკურსის ორგანიზატორებს შემდეგ ელექტრონულ მისამართებზე: vakhtangr@gmail.com.