ცნობილი ხეთოლოგის აჰმეტ იუნალის მოხსენება

2017 წლის 11 და 15 მაისს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში ცნობილმა ხეთოლოგმა, მიუნხენის ლუდვიგ-მაქსიმილიანის უნივერსიტეტის ემერიტუსმა პროფესორმა აჰმეტ იუნალმა, წაიკითხა შემდეგი მოხსენებები: ძველი ანატოლიური ქალაქების განვითარება და ხეთების დედაქალაქი ხათუსა, როგორც ურბანული ფუნქციონალობის ნიმუში; ჰომეროსამდელი ლიტერატურის წინამორბედები ანატოლიაში.      18342224_1673669955976383_7927789087359712063_n

სტუდენტთა III სამეცნიერო კონფერენცია – ანტიკურობის თანამედროვეობა

2017 წლის 12 მაისს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის სტუდენტთა სამეცნიერო წრის ორგანიზებით გაიმართა სტუდენტთა III სამეცნიერო კონფერენცია "ანტიკურობის თანამედროვეობა".

კონფერენციაში მონაწილეობა მიიღეს, როგორც თბილისის, ისე ქუთაისის, ბათუმისა და გორის სახელმწიფო უნივერსიტეტის სტუდენტებმა.

კონფერენციის დასრულების შემდეგ გაიმართა შეხვედრა-დიალოგი ახალგაზრდა პოეტებთან ნინო ჭყონიასა და გრიგოლ ძაგანიასთან. მოწვეულმა პოეტებმა ისაუბრეს თემაზე: ანტიკურობა თანამედროვე ქართულ პოეზიაში.
14 მაისს, კონფერენციის მონაწილეთათვის მოეწყო ექსკურსია მცხეთასა და უფლისციხეში.

1 2 3 4 5 6 7 8 9 10 11

ბერძნული ენის მასწავლებლების პირველი საერთაშორისო საგანმანათლებლო შეხვედრა

სვეტა

ბერძნული ენის მასწავლებლების პირველი საერთაშორისო საგანმანათლებლო შეხვედრა „ბერძნულენოვანი განათლება, ტენდენციები – განზომილებები – წინადადებები“ ჩატარდა 27-30 აპრილს, ქ. ოდესაში.

შეხვედრის ორგანიზატორები: საბერძნეთის საგარეო საქმეთა სამინისტროს საზღავრგარეთ მცხოვრებ ბერძენთა გენერალური სამმართველო, საბერძნეთის განათლების, კვლევისა და რელიგიის სამინისტრო, საბერძნეთის საკონსულოს საგანმანათლებლო ოფისი მარიუპოლში, ბერძნული კულტურის ფონდი, ოდესას განყოფილება, ბუმბურას ფონდი, უკრაინის ბერძენთა სათვისტომო.  

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის თანამშრომლებიდან შეხვედრას ესწრებოდნენ საქართველოში საბერძნეთის განათლების სამინისტროს მიერ მივლინებული ბერძნული ენის მასწავლებელი, თსუ-ს კლასიკური ფილოლოგიის დოქტორანტი გეორგია დიმოპულუ, რომელმაც წარმოადგინა მოხსენება „ფილმებზე ტიტრების დართვის გამოყენება ბერძნული ენის როგორც უცხო ენის სწავლებისას“ და ფილოლოგიის დოქტორი სვეტლანა ბერიკაშვილი. შეხვედრაზე ასევე აღინიშნა ილიას სახელმწიფო უნივერსიტეტთან თანამშრომლობით შექმნილი „იდიომური გამოთქმების ონლაინ ლექსიკონი“ (პროექტის ავტორები: სვეტლანა ბერიკაშვილი, ირინა ლობჟანიძე; რედაქტორები: სოფიო შამანიდი, შუქია აფრიდონიძე; კომპიუტერული უზრუნველყოფა: ირაკლი გუნია). პროექტის შესახებ დამატებითი ინფორმაციის სანახავად იხ. http://idioms.iliauni.edu.ge/

საგანმანათლებლო შეხვედრის შესახებ დამატებითი ინფორმაციისათვის იხ. შეხვედრის ოფიციალური ვებ-გვერდი: https://sites.google.com/site/ellenoglossepaideia/