ივანე ჯავახიშვილის სახელობის თბილისისსახელმწიფო უნივერსიტეტის კლასიკურიფილოლოგიის, ბიზანტინისტიკისა დანეოგრეცისტიკის ინსტიტუტი აცხადებს კონკურსს V I C T O R I A ლათინურ ენასა და ძველ ბერძნულ ენაში კონკურსი ჩატარდება 2019 წლის 30 ივლისს 12საათზე, თსუ VIII კორპუსში. 
მონაწილეობის მსურველებს შეუძლიათ,ჩამოტვირთონ ფაილი და გაეცნონ კონკურსისპირობებს.

საბუთების მიღება იწარმოებს 17 ივლისიდან 26ივლისის ჩათვლით (შაბათ–კვირის გარდა), 11.00-17.00 სთ., ჭავჭავაძის პრ. 13, თსუ VIII კორპუსი, III სართული, ს.ყაუხჩიშვილის სახ. ბიბლიოთეკა.
კითხვებისათვის მიმართეთ კონკურსისორგანიზატორებს შემდეგ ელექტრონულმისამართზე: vakhtangr@gmail.com.

15 ივნისს, 11 საათზე თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის სტუდენტთა სამეცნიერო წრის ორგანიზებით გაიმართება  V ყოველწლიური სტუდენტური კონფერენცია – ანტიკურობის თანამედროვეობა. კონფერენცია ეძღვნება აკადემიკოს თინათინ ყაუხჩიშვილის დაბადებიდან 100 წლის იუბილეს.

კონფერენციაზე იმუშავებს ოთხი პარალელური სექცია და მასში თბილისის სახელმწიფო უნივერსიტეტის სტუდენტებთან ერთად მონაწილეობას იღებენ ბათუმის შოთა რუსთაველის სახელმწიფო უნივერსიტეტისა და ქუთაისის აკაკი წერეთლის სახელმწიფო უნივერსიტეტის სტუდენტები.

კონფერენციის ფარგლებში დაგეგმილია შემდეგი აქტივობები: ა) წიგნების გამოფენა – აკად. თინათინ ყაუხჩიშვილის სამეცნიერო მემკვიდრეობა; ბ) ანტიკურ თემატიკაზე შესრულებული თეატრალური დადგმების ფოტოგამოფენა და ვიდეოინსტალაცია; გ)  საჯარო ლექცია აკად. თინათინ ყაუხჩიშვილის მოღვაწეობის შესახებ – მოხსენებას წაიკითხავს პროფ. გვანცა კოპლატაძე; დ) სტუდენტური სამეცნიერო კრებულის „მნემოსინეს” მეხუთე ნომრის პრეზენტაცია.

კონფერენცია დაფინანსებულია თსუ სტუდენტური პროექტების დაფინანსების განმსაზღვრელი საბჭოს მიერ.

მისამართი: ი. ჭავჭავაძის გამზ. 13, თსუ VIII კორპ. 220-ე აუდიტორია.

თინათინ ყაუხჩიშვილისადმი მიძღვნილი სტუდენტური კონფერენციის პროგრამა

13-17 მაისს, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში ერაზმუს+ პროგრამის ეგიდით ათენის უნივერსიტეტის პროფესორი, ვასილიოს სპიროპოლუსი ჩაატარებს ლექციებს ახალი ბერძნული ენის მოფოსინტაქსის საკითხებზე. 

ლექციების განრიგი: 

სამშაბათი 14.05.2019- 12:00-14:00

ოთხშაბათი 15.05.2019 – 12:00-14:00

ხუთშაბათი 16.05.2019 -12:00-14:00

პარასკევი 17.05.2019 -12:00-14:00

ლექციები ჩატარდება ინგლისურ ენაზე!

მისამართი: ი. ჭავჭავაძის გამზ. 13, თსუ VIII კორპუსი, 220-ე აუდიტორია.

18 დეკემბერს, ივანე ჯავახიშვილის სახელობის თბილისის სახელმწიფო უნივერსიტეტის I კორპუსში გაიხსნა გამოჩენილი ქართველი ფილოლოგ-კლასიკოსისა და პაპიროლოგის გრიგოლ წერეთლის სახელობის აუდიტორია. ღონისძიებაზე ფილოლოგიის მეცნიერებათა დოქტორის, პროფესორ ვალერი ასათიანის წიგნის – „კლასიკოსი” წარდგენა გაიმართა.

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი 2018 წლის 18 დეკემბერს, 16 საათზე, გიწვევთ გამოჩენილი ქართველი ფილოლოგ-კლასიკოსისა და პაპიროლოგის გრიგოლ წერეთლის სახელობის აუდიტორიის გახსნაზე. 

დღის წესრიგი:

ფილოლოგიის მეცნიერებათა დოქტორის, პროფ. ვალერი ასათიანის წიგნის „კლასიკოსი” წარდგენა. 

სხდომის გახსნა

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ხელმძღვანელი, პროფ. თინა დოლიძე

მისალმება 

ივანე ჯავახიშვილის სახელობის თბილისის სახელმწიფო უნივერსიტეტის რექტორი გიორგი შარვაშიძე

გამოსვლები 

თსუ ჰუმანიტარულ მეცნიერებათა ფაკულტეტის დეკანი, პროფ. ნანა გაფრინდაშვილი

საქართველოს მეცნიერებათა ეროვნული აკადემიის აკადემიკოსირისმაგ გორდეზიანი

პროფ. მინდია უგრეხელიძე

ილიას სახელმწიფო უნივერსიტეტის აკად. გ. წერეთლის სახ. აღმოსავლეთმცოდნეობის ინსტიტუტის თანამშრომელი, ფილ. მეცნ. დოქტ. ნელი მახარაძე

კლასიკური ფილოლოგიის სპეციალობის  IV კურსის სტუდენტი ნინო ღლონტი

პროფ. მეა ყუბანეიშვილი

პროფ. სიმონ წერეთელი

მისამართი: ილია ჭავჭავაძის გაზმ. 1, თსუ I კორპუსი, მესამე სართ., 301-ე აუდიტორია. 

ფილოლოგიის მეცნიერებათა დოქტორის, პროფ. ვალერი ასათიანის ავტორობით გამოიცა გრიგოლ ფილიმონის ძე წერეთლისადმი მიძღვნილი წიგნი -„კლასიკოსი".

„2018 წელს ივანე ჯავახიშვილის სახელობის თბილისის სახელმწიფო უნივერსიტეტი 100 წლის გახდა. 
საქართველოს უპირველესი უნივერსიტეტის სათავეებს და აღორძინებას განსაკუთრებულად უკავშირდება რამდენიმე გამოჩენილი მეცნიერისა და პიროვნების სახელი. 
წიგნი ეძღვნება მსოფლიოში აღიარებული დიდი ქართველი მეცნიერის, ელინოლოგის, პაპიროლოგის, მთარგმნელისა და პედაგოგის, ქართული უნივერსიტეტისა და მეცნიერების აღორძინებაში ივანე ჯავახიშვილის თანამოაზრის – გრიგოლ ფილიმონის ძე წერეთლის ნათელ ხსოვნას. 
არსებული პუბლიკაციებისა და დღემდე არაერთი გამოუქვეყნებელი საარქივო ჩანაწერის („მასალის") გათვალისწინებით, ვრცლად მოხმობით, ავტორი მიზნად ისახავს მეტ-ნაკლები სისრულით წარმოაჩინოს გრიგოლ წერეთლის პიროვნება და მისი შემოქმედებითი მემკვიდრეობა."

თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის სტუდენტთა სამეცნიერო წრის ორგანიზებით 2018 წლის 1 ნოემბრიდან იწყება სამეცნიერო-საგანმანათლებლო კონკურსი „პიგმალიონი”. კონკურსის მიზანია ანტიკური კულტურისა და ლიტერატურის პოპულარიზაცია, სტუდენტებისათვის ბერძნულ-რომაული თარგმანების გაცნობა და ახალგაზრდებში წიგნიერების დონის ამაღლება.

კონკურსში მონაწილეობის მიღება შეუძლიათ თბილისის სახელმწიფო უნივერსიტეტის ბაკალავრიატის საფეხურის სტუდენტებს.

კონკურსანტები 8 კვირის განმავლობაში გაეცნობიან პროექტისათვის შერჩეულ თარგმანებს ანტიკური ლიტერატურიდან და შემდეგ შეავსებენ მათთვის მომზადებულ ტესტებს. კონკურსი მოიცავს 4 ტურს და დასრულდება 28 დეკემბერს.

28 დეკემბერს გამოვლინდება საუკეთესო შედეგების მქონე სამი გამარჯვებული, რომლებიც დაჯილდოვდებიან შემდეგი პრიზებით:

I ადგილი – 800 ლარიანი სასაჩუქრე ვაუჩერი;

II ადგილი – 400 ლარიანი სასაჩუქრე ვაუჩერი;

III ადგილი – 200 ლარიანი სასაჩუქრე ვაუჩერი;

კონკურსში მონაწილეობის მისაღებად ეწვიეთ თბილისის სახელმწიფო უნივერსიტეტის ვებ-გვერდს, შეავსეთ ანკეტა და შესაბამის ველში ატვირთეთ ცნობა სტუდენტის სტატუსის შესახებ. 

საკონტაქტო პირი:

მარიამ კალაძე

mariami.kaladze@tsu.ge

პროფ. ედიტ ჰოლის საჯარო ლექცია – „არისტოტელეს გზა“

მეცნიერებისა და ინოვაციების საერთაშორისო ფესტივალის ფარგლებში 2018 წლის 26 სექტემბერს 16.00 საათზე, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში, კინგს კოლეჯის პროფესორი, ცნობილი ბრიტანელი მკვლევარი და საზოგადო მოღვაწე ედიტ ჰოლი წაიკითხავს საჯარო ლექციას – „არისტოტელეს გზა“.

მოხსენების ენა: ინგლისური

მისამართი: ი. ჭავჭავაძის გამზ. 13, თსუ VIII კორპუსი, მეორე სართული, 220-ე აუდიტორია.

დასწრება თავისუფალია!

აკად. რისმაგ გორდეზიანის ახალი პუბლიკაცია – „პლატონი თანამედროვე სამეცნიერო ჰიპოთეზების კონტექსტში".

„პლატონის ნააზრევმა არაერთ ეპოქაში განიცადა აღორძინება თუ რეცეფცია. XX-XXI საუკუნეები პლატონის რენესანსის კიდევ ერთ ეპოქად უნდა მივიჩნიოთ, რადგან მას მხარდამჭერები გამოუჩნდა ისეთი მეცნირებების წარმომადგენლებშიც კი, რომელთა დასკვნები ფილოსოფოსის საუკუნეების განმავლობაში საკამათოდ ქცეული აზრების განხილვის შემთხვევაშიც კი ზუსტი სამეცნიერო კვლევისა და ექსპერიმენტების შედეგებს ეყრდნობა. ამ თვალსაზრისის საილუსტრაციოდ პლატონის ნააზრევის რამდენიმე ასპექტს განვიხილავ: 1. იდეების თეორია; 2. დემიურგოსი; 3. ელემენტარული ნაწილაკები; 4. სულის უკვდავება; 5. სამყაროს უნიკალურობა; 6. მათემატიკის კულტი…" 

© პროგრამა „ლოგოსი", თბილისი, 2018